మెగా బ్రదర్స్ మధ్య నడుస్తున్న ఓ డ్రామాకు తెరపడినట్లయ్యింది. చిరంజీవి 60వ బర్త్ డే వేడుకలకు పవర్‌స్టార్ పవన్‌కల్యాణ్ దూరంగావున్నారన్న వార్తలకు ఫుల్‌స్టాప్ పడింది. షూటింగ్‌ని మధ్యలోనే రద్దు చేసుకుని నిలిపేసి హైదరాబాద్ వచ్చిన పవన్‌కల్యాణ్.. ఎయిర్‌పోర్టు నుంచి నేరుగా అన్నయ్య చిరంజీవి ఇంటికి వెళ్లి స్వయంగా శుభాకాంక్షలు తెలిపారు. మెగా అభిమానులకు సంబంధించి బర్త్ డే‌కు ముందురోజే ప్రత్యేకంగా జరిగిన సంబరాల్లో పవన్ స్టార్ లేకపోవడం ఒక వెలితిగా కనిపించింది.
పవర్ ఫ్యాన్స్ దీనిమీద ఓ మోస్తరు అల్లరి కూడా చేయడం నాగబాబు దానికి తీవ్రంగా స్పందించడం నిన్నటి వార్త. ఇంత గందరగోళానికి పవన్‌దే బాధ్యతంటూ చిరు అభిమానులు కూడా గుర్రుగా వున్నారు. ఈ నేపథ్యంలో శుక్రవారం నాటి ఫంక్షన్‌కి తాను హాజరు కాకపోవడంపై అన్నయ్యకు పవన్ సంజాయిషీ ఇచ్చుకున్నట్లు సమాచారం.
కామెంట్‌లు లేవు:
కామెంట్‌ను పోస్ట్ చేయండి