పవర్‌స్టార్ పవన్ కళ్యాణ్ మూడో పెళ్లి గాసిప్స్ టాలీవుడ్‌లో సంచలనం సృష్టించింది. ఈ విషయంపై మీడియాలో పుకార్లు షికార్లు చేస్తూనే వున్నాయి. పవన్ కళ్యాణ్ మూడో పెళ్లికి సంబంధించి చిన్న విషయం లీకైనా నెట్‌లలో రయ్యిమని చక్కర్లు కొడుతుంది. ఇప్పటికీ ఈ విషయం హాట్ టాపిక్‌గానే మిగిలుంది. ఇప్పుడు తాజాగా మరో వార్త బయటికొచ్చింది.
అదేంటంటే...ఇండియా టుడే మ్యాగజైన్ పవన్ కళ్యాణ్ మీద ఓ స్పెషల్ ఎడిషన్ రిలీజ్ చేస్తోంది. దీనికి సంబంధించి పవన్ పర్సనల్ విషయాలు కూడా కొన్ని వుంటాయి. అవి ఇప్పటివరకు ఎవరికి తెలియనవి, అభిమానులు ఆత్రుతగా ఎదురు చూసే లాంటివి వుంటేనే ప్రత్యేక ఎడిషన్‌కు డిగ్నిటీ వుంటుంది. ఈ నేపథ్యంలోనే సదరు మ్యాగజైన్ పవర్ స్టార్‌ను గత కొంతకాలం నుంచి హాట్ టాపిక్‌గా నిలిచిన మూడో పెళ్లి విషయమై ప్రశ్నించింది. అయితే...దీనిపై పవన్ మాట్లాడుతూ ‘పర్శనల్ విషయాలన్నారు కదండీ, వాటిని పర్శనల్‌గానే ఉంచాలని నా ఉద్దేశ్యం. వీటి మీద బయట మాట్లాడటానికి ఏమీ ఉండదు’ అని తేల్చి చెప్పేడట. దీంతో వారు కూడా అంతే సైలెంట్‌గా మిన్నకుండిపోయారని సమాచారం.
కామెంట్‌లు లేవు:
కామెంట్‌ను పోస్ట్ చేయండి